|
|
|
|
|
|
|
SOS ÁFRICA SERVIZO DE SOLIDARIDADE CON ÁFRICA
Fundada no ano 1992 en Barcelona, SOS ÁFRICA é unha organización de solidaridade independente, é dicir, non gobernamental e non confesional, ó servizo dun proxecto de desenvolvemento humano e de progreso cara a liberdade no ámbito cultural, social, económico e político.
SOS ÁFRICA é, por excelencia, a organización que está ó servizo de África e, moi en particular, ó servizo dos seus meniños e meniñas, a esperanza dun futuro en liberdade con dignidade. SOS ÁFRICA é a organización que existe grazas a quen o fai posible, a quen a apoia.
En África, xa no pasado apoiamos, no presente apoiamos e sostemos dun modo efectivo no cotián o traballo, as actividades e proxectos das organizacións locais que comparten connosco o mesmo análise e unha visión positiva de África. A pesar das súas evidentes carencias, son as que están verdadeiramente familiarizadas coas condicións locais, as culturas, as linguas e a mentalidade da xente. A mayoría anda na procura de solucións concretas a problemas concretos. Noutras palabras, sintonizan coas verdadeiras aspiracións e coas necesidades reais das pobocións autóctonas. Cando nos apoias, a eles tamén os apoias. En Europa levamos a cabo accións de sensibilización conferencias, seminarios, exposicións, cursos destinados ós africanos da diáspora, campañas de solidaridade, de denuncia e accións de protesta, etc) no convencemento da necesidade de que tamén aquí se produza un gran troco e unha global conversión de comportamentos e de actitudes, sobre todo dos gobernos.
Xa que SOS ÁFRICA entende o desenvolvemento como un proceso de liberación, como un adianto á completa liberdade, os homes e as mulleres africanos ós que apoia a organización, coa axuda -en Europa- de persoas de conciencia solidaria, están a dar pasos, avanzando, rompendo elos, e traballando sobre o terreo -en África- en beneficio das poboacións autóctonas e en tódolos terreos. No campo da saúde, da alimentación, da educación, da agricultura, da concienciación política, da recuperación e promoción das culturas autóctonas, etc. O noso primeiro proxecto é a persoa e a mellora das súas condicións de vida. O apoio a súa liberación é o noso principal obxectivo.
A obriga de SOS ÁFRICA é mellora-las condicións de vida das poboacións africanas, en particular das nenas e dos nenos, e contribuir a crear unhas sociedades de liberdades para os Pobos de África. - Este compromiso obríganos a procurar metas de liberación da fame, da ignorancia, das privacións, da miseria, das opresións, dos complexos, das dependencias, da escravitude en resume. - Estas liberacións son fundamentais para garantir a dignidade humana, o desenrolo, o progreso, a liberdade, a paz e tódolos dereitos de tódolos humanos. - Esta aposta constitúe o verdadeiro significado, a xustificación e a finalidade das actuacións de SOS ÁFRICA. Sen esta aposta o traballo dos nosos homes e mulleres perde toda lexitimidade nos Países en Vías de Liberación.
Precisan do teu apoio. Precisámolo. Se te animas a colaborar con SOS ÁFRICA, cos homes e mulleres que no continente africano fan posible a solidaridade e o desenvolvemento da liberdade, podes escoller entre as seguintes opcións. Colaborar: - Como Cooperante de SOS ÁFRICA apoiando os seus proxectos. Compartes a túa alegría e o teu ben-estar. Participas na financiación de proxectos das asociacións locais que requiren o apoio de SOS ÁFRICA. Coa túa aportación mensual convérteste en auténtico cooperante: dende a "retagarda" da solidaridade cooperas para que os mesmos africanos, "in situ", dispoñan de medios para poder construir vivendas, escolas, equipar hospitais, escavar pozos, mercar semente, promover campañas de sensibilización entre a poboación, sanea-la vida política, promove-los valores democráticos e convivenciais, fortalecer os valores étnicos, potencia-la súa autoestima e a súa independencia, revalorizar-las súas sás tradicións culturais, etc. En resume, contribúes ó progreso da liberdade. - Como padriño ou madriña dunha meniña ou dun meniño de África
Meniños e meniñas de África, en concreto de
xa teñen padriños e madriñas. Outros moitos agardan. O apadriñamento é un xeito eficaz de axuda individual que beneficia a un neno ou unha nena do cal faremos que te chegue foto e cartas. Con 20 € mensuais axudarás a mellora-las condicións de vida da meniña ou meniño. Ofreceraslle unha educación básica e asistencia médica para mellora-lo seu futuro. A túa axuda tamén beneficiará a outros nenos e a toda a comunidade grazas a proxectos de desenrolo integral. - Como "Nena ou Neno Benfeitor” É a "Solidaridade de Neno a Neno". Moitos nenos e nenas que os seus pais teñen apadriñados a un meniño ou meniña africano soen colaborar engadindo 3 € para mercar material escolar para o seu afillado. Se queres que o teu fillo ou filla fagan unha boa obra: - Como institución (Colexios/parroquias/asociacións) Moitos colexios, parroquias e asociacións comprometéronse na educación e formación de 1, 2 e ata tres meniños. É bo que moitos máis se comprometan. - Como Colaborador puntual ou en casos de emerxencia humanitaria Tamén podes apoiar puntualmente as nosas campañas de solidaridade e facer un donativo á Organización a través de calqueira das seguintes entidades bancarias:
(conta apadriñamentos)
- Adquirindo algún dos nosos productos
Camisetas, pins, tableiros de awalé, libros, tarxetas de nadal, etc.
|
|||||||||||||||||||||||
