SOS AFRIKA

AFRIKAREKIKO ELKARTASUN ZERBITZUA

ZER DEN

1992. urtean Bartzelonan sorturik, SOS AFRIKA elkartasuneko erakunde independentea da -hau da, gobernuz kanpokoa eta ez konfesionala-, giza garapena eta, kultura, gizarte, ekonomia eta politika alorretan, askatasuneranzko aurrerapena helburu dituen proiektu baten zerbitzura.

SOS AFRIKA, inolako zalantzarik gabe, Afrikaren zerbitzura aritzen den erakundea, eta oso bereziki, bertako neska-mutikoen zerbitzura, haiek baitira askatasunezko etorkizun duinaren itxaropena. SOS AFRIKA laguntza ematen diotenei esker da holako erakundea.

ZER EGITEN DUGUN

Afrikan, eraginkortasunez lagundu diegu, laguntzen ari gara eta sostengatzen ari gara Afrika guk bezala aztertu eta harekiko ikuspen positiboa duten tokian tokiko antolakundeen lana, jarduerak eta proiektuak. Nahiz eta gabezia nabariak izan, haiek daude bertako egoerekin, kulturekin, hizkuntzekin eta jendearen mentalitatearekin benetan trebaturik. Gehienak arazo zehatzei emateko irtenbide zehatzen bila ibiltzen dira. Bestela esanda, populazio autoktonoen egiazko asmoekin eta egiazko beharrekin sintonian daude. Guri laguntzen diguzunean, haiei laguntzen diezu.

Europan, ohartze jarduerak gauzatzen ditugu (hitzaldiak, mintegiak, erakusketak, diasporako afrikarrentzako ikastaroak, elkartasun kanpainak, salaketa ekintzak eta protesta ekintzak, e.a.), hemen ere aldaketa handia eta portaera eta jarrera bihurketa (batez ere gobernuei dagokienez) izan beharra dagoen uste osoa dugulako.

         HELBURUAK

SOS AFRIKAk garapena askatze prozesutzat, askatasun osoranzko aurrerapentzat, jotzen duenez, erakundearen laguntza jasotzen duten gizon eta emakume afrikarrak, kontzientzia solidarioa duten pertsonek lagundurik –Europatik–, urratsak egiten ari dira, aurrera doaz, kate-mailak hautsiz, eta lekuan berean lanean –Afrikan– populazio autoktonoen onerako eta esparru guztietan.

Bai osasun eta elikadura alorretan bai hezkuntza, nekazaritza eta kontzientziatze politikoaren esparruetan nahiz bertako kulturak berreskuratzen eta sustatzen, e.a.

Gure lehen proiektua pertsona eta beronen bizi baldintzen hobekuntza da. Haren askapenean laguntzea gure helburu nagusia da.

KONPROMISOAK

SOS AFRIKAren konpromisoa populazio afrikarren bizi baldintzak, haurrenak bereziki, hobetu eta Afrikako Herrientzat askatasunen gizarteak sortzeko laguntza ematea.

- Konpromiso horrek gosetik, ezjakintasunetik, gabezietatik, miseriatik, zapalketetatik, konplexuetatik, menpetasunetatik, esklabotzatik azken finean, askatzeko jomugak izanarazten digu.

- Askapen horiek funtsezkoak dira giza duintasuna, garapena, aurrerapena, askatasuna, bakea eta gizaki guztien eskubide guztiak bermatzeko.

- Apustu hori da SOS AFRIKAren jardunen benetako esanahia, justifikazioa eta xedea.

Apustu hori gabe gure gizon-emakumeen lanak legitimotasun osoa galduko zuen Askatze bidean dauden Herrialdeetan.

      NOLA LAGUNDU

Zure laguntza behar dute. Behar dugu. SOS AFRIKAri, kontinente afrikarrean elkartasuna eta askatasunaren aurrerapena ahalbidetzen dituzten gizon-emakumeei alegia, laguntza ematera animatzen bazara, honako bide hauek dituzu aukeran:

- SOS AFRIKAko lankide boluntario izan eta haren proiektuen alde egitea.

Zure alaitasuna eta ongizatea partekatuko dituzu. SOS AFRIKAren laguntza eskatzen duten tokiko elkarteen proiektuen finantzazioan parte hartuko duzu. Hilean egiten duzun emakidaz benetako lankide boluntario bihurtuko zara: elkartasunaren “atzeguardia” horretatik kooperatuko duzu afrikarrek berek, tokian berean, baliabideak eduki ditzaten etxebizitzak eta eskolak eraiki, ospitaleak hornitu, putzuak hondeatu, haziak erosi, populazioaren artean ohartze kanpainak sustatu, bizitza politikoa onbideratu, demokrazia eta elkarbizitzaren balioak bultzatu, balio etnikoak indartu, beren autoestimua eta independentzia sustatu, beren kultur ohitura onei balio handiagoa eman, e.a. egin ahal izateko. Azken batean, askatasunaren aurrerapenean lagunduko duzu.

Mesedez, ahal baduzu:

Emaiezu laguntza elkartasuna gauzatzen

ari diren Afrikako gizon-emakumeei

- Afrikako haur baten aitabitxia edo amabitxia izatea

Afrikako haur batzuek,

·        Ekuatore Ginea

·        Kenya

eta beste zenbait herrialdetako batzuek, badituzte aita-amabitxiak. Beste batzuek izan nahi dituzte. Besoetako egite hau laguntza mutiko edo neskatxo bati bideratzeko modua da eta guk haren argazkia eta eskutitzak helaraziko dizkizugu. 20 € hilean emanez, haurraren bizi baldintzak hobetzen lagunduko duzu. Oinarrizko hezkuntza eta laguntza medikoa eskainiko dizkiozu, etorkizuna hobetuko dizkiotenak. Zure laguntza beste haur batzuei eta komunitate osoari ere onuragarri izanen zaie garapen integraleko proiektuen bitartez.

Mesedez, ahal baduzu:

Hartu besoetan Afrikako haur bat

- Haur ongile izatea

"Haur elkartasuna"  da. Gurasoek Afrikako alababitxi edo semebitxi bat dutenean, haurrek lagundu egiten ohi dute harentzako eskolako materiala erosteko 3 € (500 pezeta) gehituz. Zuen seme edo alabak obra ona egitea nahi baduzu:

Hartu besoetan Afrikako haur bat

- Erakundearen (ikastetxea/parrokia/elkartea) laguntza ematea

Asko dira haur baten edo 2, baita 3, haurren hezkuntzan eta prestakuntzan konprometiturik dauden ikastetxe, parrokia eta elkarteak. On da beste asko konprometitzea.

Hartu besoetan Afrikako haur bat

- Noizean behin edo estutasun kasuetan kolaboratzaile izatea

Halaber, gure elkartasun kanpainen alde egin dezakezu erakundeari dohain bat eginez; horretarako, hona hemen banku-entitate hauek:

CAJA MADRID: 2038-9900-60-6000446834

BANC SABADELL: 0081-0114-40-0001171324 (besoetako egiteetarako kontua)

BANESTO: 0030-2549-97-0000055271

BBVA: 0182-5734-30-0011500022

LA CAIXA: 2100-0835-12-0200503096

- Gure produktuetako zenbait erostea

Kamisetak, orratzak, awalé taulak, liburuak, Eguberrietako postalak, e.a.

Mesedez, ahal baduzu:

Ekarri zure elkartasun bihia

eta askatasun hazia